Նոր Զելանդիայի կառավարությունը մերժել է ԱՄՆ նախագահ Դոնալդ Թրամփի առաջարկը՝ միանալ Գազայի հատվածի վերականգնման և կառավարման հարցերով Խաղաղության խորհրդին։ Համապատասխան հայտարարությունը, որն արել է վարչապետ Քրիստոֆեր Լաքսոնը, մեջբերում է Stuff լրատվական պորտալը։
«Նոր Զելանդիայի կառավարությունը քննարկել է նախագահ Թրամփի հրավերը և որոշել է չմիանալ Խաղաղության խորհրդին նրա ներկայիս ձևաչափով»,-հայտարարել է Լաքսոնը։Երկրի արտաքին գործերի նախարար Ուինսթոն Փիթերսը նույնպես ընդգծել է, որ Նոր Զելանդիան աջակցություն կցուցաբերի կազմակերպությանը, սակայն չի միանա Խաղաղության խորհրդին։
«Մի շարք պետություններ, հատկապես մեր տարածաշրջանից, արդեն հայտարարել են խորհրդի աշխատանքներին մասնակցելու մտադրության մասին, և Նոր Զելանդիան էական ներդրում չի ունենա։
Բացի այդ, մեզ անհրաժեշտ է հստակություն այս նոր կառույցի լիազորությունների վերաբերյալ՝ ինչպես ներկայում, այնպես էլ ապագայում»,-ասել է նա։
