ԱՄՆ-ում տեղի ունեցած ուժգին ձնաբքի հետևանքով զոհերի թիվը հասել է 85-ի, հաղորդում է Associated Press գործակալությունը՝ հղում կատարելով տարերքի ազդեցության տակ հայտնված նահանգների իշխանությունների ներկայացրած տվյալներին։
Ավելի վաղ հաղորդվում էր 73 զոհի մասին։ Նշվում է, որ մահվան դեպքերի մոտ կեսը բաժին է ընկնում հարավային նահանգներին՝ Թենեսիին, Միսիսիպիին և Լուիզիանային, որոնք սովոր չեն խիստ ձմեռային պայմաններին։
Անբարենպաստ եղանակի հետևանքով արձանագրված մահվան դեպքերը, ի թիվս այլ պատճառների, տեղի են ունեցել գերսառեցման, ածխածնի մոնօքսիդով (շմոլ գազով) թունավորման, ինչպես նաև ավտոմեքենաների, սահնակների և ձնամաքրման տեխնիկայի մասնակցությամբ վթարների պատճառով։
