Վլադիմիր Զելենսկին չի աջակցում ԱՄՆ նախագահ Դոնալդ Թրամփի դիրքորոշմանը Գրենլանդիայի` Միացյալ Նահանգներին միանալու վերաբերյալ։
«Գրենլանդիայի վերաբերյալ ես ևս մեկ անգամ ընդգծում եմ, որ մենք, և հատկապես ես, հարգում ենք Դանիային։ Եվ մենք հարգում ենք նրա ինքնիշխանությունն ու տարածքային ամբողջականությունը։ Ես իսկապես ուզում եմ, որ Ամերիկան լսի Եվրոպային դիվանագիտության միջոցով։ Կարծում եմ՝ այդպես էլ կլինի։ Եվ ես իսկապես հավատում եմ, որ որևէ լուրջ սպառնալիք չի լինի», - ասել է նա՝ պատասխանելով լրագրողների հարցերին: Նրա խոսքերը մեջբերել է Novosti.Live-ը:
Թրամփը բազմիցս հայտարարել է Գրենլանդիայի՝ Միացյալ Նահանգներին միանալու անհրաժեշտության մասին։ Իր առաջին ժամկետի ընթացքում նա առաջարկել էր գնել կղզին, իսկ 2025 թվականի մարտին վստահություն էր հայտնել, որ այն կարող է անեքսիայի ենթարկվել։
Սպիտակ տան աշխատակազմի ղեկավարի տեղակալ Սթիվեն Միլլերը նախկինում կասկածի տակ էր դրել Դանիայի իրավունքը՝ վերահսկելու կղզին։
