ԱՄՆ–ի` ՆԱՏՕ-ի գծով դաշնակիցները դադարեցրել են հետախուզական տվյալներ փոխանակումը

Միացյալ Նահանգների Հյուսիսատլանտյան ռազմական դաշինքի անդամները դադարեցրել են հետախուզական տվյալներ փոխանակել Վաշինգտոնի հետ՝ Գրենլանդիայի վերաբերյալ նախագահ Դոնալդ Թրամփի հավակնությունների և դաշինքի ներսում վստահության վատթարացման պատճառով, հաղորդում է բրիտանական I Paper պորտալը՝ հղում անելով արևմտյան հատուկ ծառայությունների աղբյուրներին։

«Գրենլանդիային միանալու Թրամփի առաջարկը պառակտում է առաջացնում ՆԱՏՕ-ի ներսում և պաշտոնյաներին ստիպում է հրաժարվել գաղտնի տեղեկություններ փոխանակել Միացյալ Նահանգների հետ»,- նշում է պարբերականը։

Ըստ աղբյուրների՝ եվրոպական երկրների հետախուզական մարմինների աշխատակիցները սկսել են «սահմանափակ շփում» իրենց ամերիկացի գործընկերների հետ՝ վախենալով, որ տեղեկվությունը կարող է հասնել Թրամփին և օգտագործվել կղզին ուժով գրավելու փորձի համար։

«Մենք նախկինում միասին գարեջուր էինք խմում և կողք կողքի աշխատում Իրաքում և Աֆղանստանում, մինչդեռ հիմա տարօրինակ իրավիճակ է ստեղծվել։ Դա կործանարար է, և ես երբեք չէի մտածի, որ նման բան կարող է տեղի ունենալ»,- ասել է զրուցակիցներից մեկը։

Բրիտանական աղբյուրը Սպիտակ տան և նրա դաշնակիցների միջև հարաբերությունների ներկայիս վատթարացումն «աննախադեպ» է որակել և նշել, որ Մեծ Բրիտանիան կորցրել է Միացյալ Նահանգների հետախուզական տվյալներ փոխանակելու հիմնական գործընկերոջ կարգավիճակը՝ Վաշինգտոնի աչքում դառնալով «սոսկ Եվրոպայի մի մասը»։