Ֆրանսիայի նախագահ Էմանուել Մակրոնը Ելիսեյան պալատում կայացած հանդիպմանը մասնակցել է արևային ակնոցներով՝ հունվարի 15-ին իր ելույթի ժամանակ աչքի կարմրության մասին հաղորդագրություններից հետո, հաղորդում է Le Parisien թերթը։
«Ես ներողություն եմ խնդրում այս ակնոցների համար, դա պայմանավորված է մի փոքր խնդրով: Ես ստիպված կլինեմ դրանք կրել որոշ ժամանակ, այնպես որ դուք ստիպված կլինեք հանդուրժել դա», - ասել է նախագահը հունվարի 16-ին Ելիսեյան պալատ ժամանելուն պես։
Մակրոնը հունվարի 15-ին ելույթ ունեցավ զորքերի առջև հանրապետության հարավում գտնվող Իստրեսի ավիաբազայում։ Ինչպես նշել է թերթը, նա ինքնաթիռից դուրս է եկել ակնոցներով, որոնք չէր հանել մինչև շենք մտնելը։
Զինվորականների հետ խոսելիս Մակրոնը կատակել է իր աչքի վիճակի մասին.
«Ես ներողություն եմ խնդրում աչքիս տգեղ տեսքի համար։ Դուք կարող եք սա նմանեցնել այն վագրի աչքի, որը խորհրդանշում է ուժ և վճռականություն»,-ասել է նա:
Հունվարի 15-ին Ելիսեյան պալատը պարզաբանեց, որ պետության ղեկավարը առողջական խնդիրներ չունի։
