Իլոն Մասկի ամերիկյան SpaceX ընկերությունը չեղարկել է Իրանում իր Starlink ենթակառուցվածքի համար մուտքի վճարները՝ բողոքի ցույցերի ժամանակ ինտերնետի խափանումների պատճառով, հաղորդում է Bloomberg-ը՝ հղում անելով իր աղբյուրին։
Նրա խոսքով՝ անվճար մուտքի մասին տեղեկատվությունը ընկերության կողմից դեռևս չի հաստատվել, քանի որ այն հրապարակային չէ։
Սա առաջին անգամը չէ, որ Մասկը Starlink-ն օգտագործում է որպես մեղմ ուժի գործիք։ Գործակալությունը նշում է, որ նախկինում անվճար ինտերնետ հասանելիություն էր տրամադրվում ուկրաինացիներին, այդ թվում՝ Ուկրաինայի զինված ուժերին։
Միջազգային ինտերնետային մոնիթորինգի NetBlocks ծառայության տվյալներով՝ Իրանում ինտերնետ հասանելիությունը սահմանափակված է ավելի քան 96 ժամ։
Հունվարի 9-ին Իրանի կապի և տեղեկատվական տեխնոլոգիաների նախարարությունը հայտարարեց, որ քայլեր է ձեռնարկում անվտանգության մարմինների կողմից սահմանափակված ինտերնետային ծառայությունները վերականգնելու համար։
