ՄԱԿ-ի՝ Հարավային Լիբանանում տեղակայված ժամանակավոր ուժերի (UNIFIL) ստորաբաժանումը ենթարկվել է իսրայելական տանկի կրակի, ասվում է խաղաղապահ առաքելության մամուլի ծառայության հաղորդագրության մեջ։
«Երկուշաբթի UNIFIL-ի խաղաղապահ ուժերը դիտարկել են երկու «Մերկավա» տանկերի տեղաշարժը Լիբանանի տարածքում՝ Սարդա շրջանում, Լիբանանի խորքում գտնվող Իսրայելի պաշտպանության բանակի դիրքից։
Հաղորդակցման ուղիներով խաղաղապահները պահանջեցին, որ տանկերը դադարեցնեն իրենց գործողությունները։Որոշ ժամանակ անց տանկերից մեկը իր հիմնական թնդանոթից արձակել է երեք կրակոց, որոնցից երկուսը ընկել են խաղաղապահ ուժերի դիրքերից մոտավորապես 150 մետր հեռավորության վրա», – ասվում է հայտարարության մեջ։Նշվում է, որ հրետակոծության հետևանքով զոհեր չեն գրանցվել։
