Թուրք փրկարարները հայտնաբերել են Լիբիայի գլխավոր շտաբի պետ Մոհամմեդ ալ-Հադդադին տեղափոխող ինքնաթիռի թռիչքի տվյալների ձայնագրիչը, որը կործանվել էր երեքշաբթի երեկոյան Անկարայի մոտակայքում։ Այս մասին TRT Haber հեռուստաալիքի եթերում հայտարարել է Թուրքիայի ներքին գործերի նախարար Ալի Երլիկայան՝ դեպքի վայրի զննումից հետո։
«Սև արկղը հայտնաբերվել է չորեքշաբթի օրը՝ տեղական ժամանակով ժամը 2:45-ին (նույնը Մոսկվայի ժամանակով): Շարունակվում է համապարփակ հետաքննություն, որի արդյունքները շուտով հայտնի կդառնան», - ասել է նա։
Նախարարի խոսքով՝ Falcon 50 ինքնաթիռը Անկարայի Էսենբողա օդանավակայանից դեպի Տրիպոլի թռիչք է կատարել երեքշաբթի օրը՝ տեղական ժամանակով ժամը 20:17-ին։
Ժամը 20:32-ին անձնակազմը հայտնել է ինքնաթիռում արտակարգ իրավիճակի մասին և վերադարձել օդանավակայան: Օդանավի հետ կապը կորել է ժամը 20:36-ին: Բեկորները հայտնաբերվել են ժամը 22:00-ին Անկարայի նահանգի Հայմանա շրջանում: Ինքնաթիռում եղել է ութ մարդ, այդ թվում՝ հինգ լիբիացի զինվորական:
