Fastex Պրեմիեր լիգայի 2024/25 մրցաշրջանի հոկտեմբերի 28-ին կայացած 13-րդ մրցափուլի «Արարատ-Արմենիա»-«Նոա» խաղի ընթացքում և դրանից հետո «Արարատ-Արմենիա» և «Նոա» ֆուտբոլային ակումբների ֆուտբոլային սուբյեկտների կողմից իրականացվել են ենթադրյալ կարգապահական խախտումներ:
Այս մասին տեղեկացնում է ՀՖՖ-ի պաշտոնական կայքը։
Այս կապակցությամբ ՀՖՖ Կարգապահական և էթիկայի կոմիտեն հոկտեմբերի 29-ին կայացած նիստում հարուցել է կարգապահական վարույթներ:
Հիշեցնենք, որ «Նոայի» գլխավոր մարզիչ Ռուի Մոտան հետխաղյա մամուլի ասուլիսի ժամանակ նշել էր, որ մրցակցի երկրորդ մարզիչն իրեն հարվածել է, ինչից հետո «Արարատ-Արմենիան» հանդես էր եկել հայտարարությամբ, ինչին արձագանքել էր «Նոան»։
