Վրաստանում խորհրդարանական ընտրությունների արդյունքներից դժգոհ վրացական ընդդիմության երթը սկսվել է երեքշաբթի երեկոյան Թբիլիսիի կենտրոնում։ Այս մասին հայտնում է РИА Новости-ի թղթակիցը։
Ցուցարարները, որոնց ճնշող մեծամասնությունը երիտասարդներ են, հավաքվել են Թբիլիսիի պետական համալսարանի շենքի մոտ և մտադիր են հասնել Ռուսթավելի պողոտայում գտնվող խորհրդարանի շենք, որտեղ նախօրեին ընդդիմության մեծ հանրահավաք էր տեղի ունեցել։
Հավաքվածները կրում են Վրաստանի, Եվրամիության դրոշներ, ինչպես նաև եվրոպամետ կարգախոսներով պաստառներ։Երթին հսկում են ոստիկանները, մինչ բողոքի ակցիան ընթանում է առանց միջադեպերի։
