Եվրամիությունը մտադիր է պատժամիջոցներ կիրառել Եվրոպայում անկայունացմանը ենթադրաբար մասնակցած 12 անձանց նկատմամբ։ Այս մասին հայտարարել է Ֆրանսիայի արտաքին գործերի նախարար Ժան-Նոել Բարոն Բրյուսելում կայանալիք արտաքին գործերի նախարարների հանդիպմանը ժամանելուն պես։
«Պատժամիջոցներ կկիրառվեն Եվրոպայում Ռուսաստանի անկայունացման 12 գործակալների նկատմամբ։ Սրանք 12 անձինք են, որոնք ներգրավված են արտաքին միջամտության մեջ, այդ թվում՝ թվային միջամտության մեջ», - ասել է Բարոն։
Նրա խոսքով՝ սև ցուցակում կներառվեն, մասնավորապես, Ֆրանսիայի քաղաքացի Քսավիե Մորոն, ռազմական փորձագետ և հանրապետության զինված ուժերի նախկին դեսանտավոր սպա, ինչպես նաև ամերիկացի Ջոն Մարկ Դուգանը, որը 2016 թվականին քաղաքական ապաստան է խնդրել Ռուսաստանում՝ իր հայրենիքում ՀԴԲ-ի կողմից հետապնդվելուց հետո։
Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ վերջին չորս տարիների ընթացքում Ռուսաստանի դեմ կիրառված Արևմուտքի պատժամիջոցները որևէ ազդեցություն չեն ունեցել երկրի վրա։
