Մեծ Բրիտանիայի կառավարությունը հերքել է Արգենտինայի նախագահ Խավիեր Միլեի պնդումները, թե Մեծ Բրիտանիան բանակցություններ է վարում Արգենտինայի հետ զենքի մատակարարման սահմանափակումները վերացնելու համար։
Ավելի վաղ Միլեյը «Telegraph» թերթին տված հարցազրույցում հայտարարել էր, որ Արգենտինան բանակցություններ է վարում Մեծ Բրիտանիայի հետ՝ զենքի մատակարարման սահմանափակումները մեղմելու վերաբերյալ։
«Ներկայումս Արգենտինայի հետ որևէ կոնկրետ բանակցություններ չկան Մեծ Բրիտանիայի կողմից զենքի արտահանման վերահսկողության թուլացման վերաբերյալ», - «Գարդիան»-ին ասել է բրիտանական կառավարության խոսնակը։
Ներկայացուցիչը հավելել է, որ Ֆոլկլենդյան կղզիների ինքնիշխանությունը «բանակցելի չէ», և որ Մեծ Բրիտանիան կպաշտպանի ինքնորոշման իր իրավունքը: Այնուամենայնիվ, նա նշել է, որ երկիրը ակնկալում է խորացնել համագործակցությունը Արգենտինայի հետ առևտրի, գիտության և մշակույթի ոլորտներում:
Ավելի վաղ հայտնել էինք, որ Արգենտինան Մեծ Բրիտանիայի հետ քննարկում է 1982 թվականի Ֆոլկլենդյան կղզիների պատերազմի հետևանքով սահմանված ժամանակակից զենքի արտահանման վրա դրված սահմանափակումների մեղմացումը։
