Ամերիկացի ձեռնարկատեր Իլոն Մասկը X սոցիալական ցանցում կանխատեսել է հանրապետականների և նախագահի հանրապետական թեկնածու Դոնալդ Թրամփի ջախջախիչ հաղթանակը նոյեմբերի ընտրություններում։
Մասկը նման հայտարարություն է արել՝ համեմատելով 2024 թվականի և 2020 թվականի ընտրություններում ԱՄՆ Փենսիլվանիա նահանգում վաղաժամկետ քվեարկության արդյունքները։ Գրառմանը կցված է նաև աղյուսակ, որը ցույց է տալիս 2024 և 2020 թվականներին դեմոկրատների և հանրապետականների օգտին տրված ձայների քանակը:
«Փենսիլվանիայում վաղ քվեարկությունն այժմ ցույց է տալիս, որ հանրապետականները 435,000-ով ավելի շատ ձայն ունեն, քան դեմոկրատները 2020-ի նույն ամսաթվի համեմատ: 2020-ին Բայդենի հաղթանակի շեմը կազմել էր ընդամենը 80,000»,- գրել է ձեռնարկատերը:
ԱՄՆ նախագահական ընտրությունները տեղի կունենան նոյեմբերի 5-ին։
