Ռուսաստանը կարձագանքի Ուկրաինայում օտարերկրյա ռազմական կոնտինգենտի ցանկացած տեղակայման և եվրոպացիների կողմից ռուսական ակտիվների բռնագրավմանը, հայտարարել է Ռուսաստանի արտգործնախարար Սերգեյ Լավրովը։
«Ինչպես ընդգծել է նախագահը, մենք Եվրոպայի հետ պատերազմելու մտադրություն չունենք։ Սակայն մենք կարձագանքենք ցանկացած թշնամական քայլի, այդ թվում՝ Ուկրաինայում եվրոպական ռազմական կոնտինգենտի տեղակայմանը և ռուսական ակտիվների բռնագրավմանը, և մենք արդեն պատրաստ ենք այս պատասխանին», - ասել է նա՝ ելույթ ունենալով Դաշնության խորհրդում։
Լավրովի խոսքով՝ եվրոպական երկրները իրենց ողջ քաղաքական կապիտալը ներդրել են Ռուսաստանի հետ պատերազմում և շարունակում են մեր երկիրը այս կամ այն կերպ պարտության մատնելու պատրանք ունենալ։ Միևնույն ժամանակ, նրանք արհեստականորեն խոչընդոտում են հակամարտության կարգավորման գործընթացը, հավելել է արտգործնախարարը։
