Միացյալ Նահանգները ակնկալում է, որ միջազգային կայունացման ուժերը կտեղակայվեն Գազայի հատվածում մինչև 2026 թվականի սկիզբը: Կատարի «Ալ Ջազիրա» հեռուստաալիքի հաղորդմամբ՝ ամերիկացի պաշտոնյայի հղումով, Վաշինգտոնը բանակցություններ է վարում մի քանի երկրների հետ՝ ռազմական կոնտինգենտներ տրամադրելու համար:
«Մենք ակնկալում ենք միջազգային կայունացման ուժերի տեղակայում Գազայում 2026 թվականի սկզբին՝ առաջին փուլում մեկ կամ երկու երկրների մասնակցությամբ», - հեռուստաալիքին ասել է ամերիկյան աղբյուրը՝ նշելով, որ խաղաղապահները չեն տեղակայվի Գազայի հատվածի այն տարածքներում, որոնք վերահսկվում են պաղեստինյան ՀԱՄԱՍ շարժման կողմից։
Նրա խոսքով՝ առաքելության հրամանատարությանը ԱՄՆ-ի մասնակցության հարցը դեռևս քննարկման փուլում է։
