Հանդիպման ընթացքում քննարկվել են Ադրբեջանի և Հայաստանի միջև խաղաղության գործընթացի դինամիկան, քաղաքացիական հասարակության դերը երկխոսության վերականգնման գործում և առաջիկայում իրականացվելիք համատեղ նախագծերը, ինչպես նաև խաղաղության գործընթացին վերաբերող երկու հասարակությունների համար հետաքրքրություն ներկայացնող արդիական հարցեր։
Բացի այդ, պայմանավորվածություն է ձեռք բերվել ակտիվացնել համատեղ գործունեությունը մեդիա տարածքում, հաստատել փորձագիտական խմբերի միջև ուղիղ կապեր և ավելի լայնորեն ներգրավել Ադրբեջանի և Հայաստանի քաղաքացիական հասարակություններին խաղաղության գործընթացում։
Որոշվել է նաև շարունակել գործնական մակարդակով հարաբերությունները և փոխադարձ այցելությունները երկու երկրներ՝ «Խաղաղության կամուրջ» նախաձեռնության շրջանակներում։
Այցի ընթացքում «Խաղաղության կամուրջ» նախաձեռնության անդամները հանդիպել են Ադրբեջանի նախագահի օգնական Հիքմեթ Հաջիևի հետ: Քննարկվել են Վաշինգտոնում կայացած հանդիպումից հետո խաղաղության օրակարգը ամրապնդելու ուղղությամբ Ադրբեջանի և Հայաստանի կողմից ձեռնարկված քայլերը: Լրատվամիջոցի փոխանցմամբ՝ Հաջիևը պատասխանել է նախաձեռնության անդամների հարցերին:
