ԱՄՆ նախագահ Դոնալդ Թրամփը հայտարարել է, որ Վաշինգտոնը մտադիր է ակտիվացնել Սուդանում հակամարտությունը դադարեցնելու ջանքերը՝ Սաուդյան Արաբիայի թագաժառանգ և վարչապետ Մուհամմեդ բին Սալման ալ Սաուդի խնդրանքով։
«Նորին Մեծությունը կցանկանար, որ ես վճռական գործողություններ ձեռնարկեի Սուդանում տիրող իրավիճակի վերաբերյալ։ Ես մտադիր չէի անձնապես միջամտել, կարծում էի, որ դա ինչ-որ խելագարություն է, որը դուրս է եկել վերահսկողությունից։ Բայց ես հասկանում եմ, թե որքան կարևոր է դա ձեզ համար, ուստի, մենք կզբաղվենք Սուդանով», - ասել է Թրամփը չորեքշաբթի՝ դիմելով թագաժառանգին։
ԱՄՆ նախագահը հավելել է, որ Մոհամմեդ բին Սալման ալ Սաուդը անձամբ և մանրամասն բացատրել է իրեն Սուդանում տեղի ունեցողի էությունը։ Թրամփը նշել է, որ այս զրույցը թույլ է տվել իրեն հասկանալ այդ երկրում տեղի ունեցող իրադարձությունների մասշտաբները։
Նա նաև նշել է, որ Միացյալ Նահանգները կաշխատի Սուդանում հակամարտությունը դադարեցնելու ուղղությամբ՝ համագործակցելով Սաուդյան Արաբիայի, Եգիպտոսի, Արաբական Միացյալ Էմիրությունների և Մերձավոր Արևելքի այլ երկրների հետ։
