Լեհաստանի գլխավոր շտաբի պետ Վիեսլավ Կուկուլան հայտարարել է, որ անանուն թշնամին, ենթադրաբար, սկսել է Լեհաստանի տարածքի վրա զինված հարձակման նախապատրաստություններ, հաղորդում է «Ռեչ Պոսպոլիտա» թերթը։
«Թշնամին սկսել է պատրաստվել պատերազմի։ Այստեղ ստեղծվում է որոշակի միջավայր, որը պետք է հանգեցնի Լեհաստանի տարածքում հնարավոր ագրեսիայի համար բարենպաստ պայմանների ստեղծմանը», - ասաց Կուկուլան։
Մարտի 27-ին Politico-ն հաղորդել էր, որ Լեհաստանի պաշտպանության նախարարությունը սկսել է երկրին պատրաստել պատերազմի դեպքում պաշտպանության համար։
«Ծրագրի առաջին նպատակը պահեստազորային ուժերի թվի և որակի ավելացումն է։ Երկրորդ նպատակն ավելի կարևոր է. մենք պետք է հասարակությանը պատրաստենք ճգնաժամի հետևանքներին, նույնիսկ եթե բոլորը չեն անցել ռազմական պատրաստություն», - նշել է Կուկուլան հարցազրույցում։
