Երևան քաղաքում հասարակական տրանսպորտի շարունակական զարգացման, ուղևորների համար ավելի հարմարավետ և ապահով երթևեկություն ունենալու համար մի շարք ուղղություններով աշխատանքներ ենք իրականացնում։
Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը:«Մասնավորապես՝ ձեռք ենք բերել 171 նոր ավտոբուս և 15 նոր տրոլեյբուս, սրան զուգահեռաբար՝ մայրաքաղաքում ավելացնում ենք հասարակական տրանսպորտի համար նախատեսված ավտոբուսային գծերը, տեղադրում ենք նոր կանգառասրահներ և մի քանի ուղղություններով աշխատում ենք՝ հետագայում նոր շարժակազմեր ձեռք բերելու նպատակով։Տեղյակ եք, որ նոյեմբերի 1-ից հասարակական տրանսպորտից օգտվելիս որոշակի փոփոխություններ են սպասվում ։
Նպատակը՝ 2025 թվականից միասնական տոմսային համակարգին սահուն անցնելն է, որի ժամանակ հնարավորություն կընձեռվի վճարել ամենատարբեր եղանակներով։Մենք ուզում ենք Երևան քաղաքում ունենալ շարունակական զարգացող հասարակական տրանսպորտ, և գնում ենք այդ ուղղությամբ»:
