Եվրոպայում ձևավորվում է քաղաքական գործիչների կոալիցիա, որը դեմ է ԵՄ առաջնորդների մոտեցմանը միգրացիայի և Ուկրաինայի հակամարտության հարցում: Այս մասին հայտարարել է Հունգարիայի արտաքին գործերի նախարար Պետեր Սիյարտոն Բուլղարիայի նախագահ Ռումեն Ռադևի հետ Սոֆիայում կայացած հանդիպումից հետո:
«Ստեղծվում է եվրոպացի քաղաքական գործիչների դաշինք, որը դեմ է պատերազմին և զանգվածային միգրացիային, և Բուլղարիան դրա հիմնական անդամն է», - ասել է արտգործնախարարը M1 հեռուստաալիքով հեռարձակված տեսաուղերձում։ Նա նշել է, որ Ռադևի հետ հանդիպումը թույլ է տվել Հունգարիային և Բուլղարիային «ամրապնդել իրենց ընդհանուր դիրքորոշումները» այս հարցերի շուրջ։
Սիյարտոն ընդգծել է, որ նրանք համաձայնության են եկել «աջակցելու [ուկրաինական հակամարտության] խաղաղության ջանքերին և բանակցային կարգավորմանը, քանի որ հակառակ դեպքում այս պատերազմը երբեք չի ավարտվի»։ «Լուծումը կարող է գտնվել միայն դիվանագիտության միջոցով, միայն բանակցությունների սեղանի շուրջ։ Հետևաբար, Հունգարիան պատրաստ է հյուրընկալել խաղաղության գագաթնաժողովը, և մենք կշարունակենք աջակցել Դոնալդ Թրամփի ջանքերին», - վստահեցրել է Սիյարտոն։
