Նիկոլ Փաշինյանը և Կլոդ Վիզլերը քննարկել են Հայաստան-Ադրբեջան խաղաղության պայմանագրի շուրջ քննարկումների հարցեր

23.05 19:58 | Կատեգորիա Քաղաքական

Վարչապետ Նիկոլ Փաշինյանը հյուրընկալել է Լյուքսեմբուրգի Մեծ Դքսության Պատգամավորների պալատի նախագահ Կլոդ Վիզլերի գլխավորած պատվիրակությանը: ՀՀ վարչապետի աշխատակազմից, վարչապետը ողջունել է Կլոդ Վիզլերի այցը Հայաստան և վստահություն հայտնել, որ այն նոր ազդակ կհաղորդի Հայաստան-Լյուքսեմբուրգ հարաբերությունների հետագա զարգացմանն ու ամրապնդմանը: Նիկոլ Փաշինյանը նշել է, որ վերջին տարիներին երկու երկրների փոխգործակցությունը կրում է դինամիկ բնույթ և համատեղ օրակարգը հետևողական կերպով ընդլայնվում է: Վարչապետը շնորհակալություն է հայտնել անձամբ Կլոդ Վիզլերի և Լյուքսեմբուրգի Պատգամավորների պալատի կողմից պարբերաբար արտահայտվող հայանպաստ դիրքորոշումների համար և կարևորել միջխորհրդարանական սերտ համագործակցությունը, այդ թվում՝ միջազգային հարթակներում:Ըստ աղբյուրի՝ Կլոդ Վիզլերը շնորհակալություն է հայտնել ջերմ հյուրընկալության համար և բարձր գնահատել Հայաստան-Լյուքսեմբուրգ հարաբերությունների ներկա մակարդակը: Լյուքսեմբուրգի Պատգամավորների պալատի նախագահը հայտնել է իր երկրի աջակցությունը Հայաստան-Եվրոպական միություն փոխգործակցության և համատեղ ծրագրերի իրականացման գործում: Կլոդ Վիզլերը շեշտել է, որ միջխորհրդարանական համագործակցությունն ամուր հիմքերի վրա է, ինչը կնպաստի նաև տարբեր ուղղություններով կապերի ընդլայնմանն ու զարգացմանը:Նշվում է, որ զրուցակիցները քննարկել են Հայաստան-Ադրբեջան խաղաղության պայմանագրի շուրջ քննարկումներին, երկու երկրների միջև սահմանազատման գործընթացին վերաբերող հարցեր: Լյուքսեմբուրգի Պատգամավորների պալատի նախագահը կարևորել է ՀՀ կառավարության մոտեցումները և հասցեական լուծումները՝ կապված ԼՂ-ից բռնի տեղահանված ավելի քան 100 հազար բնակչության խնդիրների ուղղությամբ:ՀՀ վարչապետի աշխատակազմի տեղեկացմամբ՝ վարչապետ Փաշինյանը զրուցակցին է ներկայացրել բռնի տեղահանված անձանց խնդիրների լուծման ուղղությամբ ՀՀ կառավարության ինչպես կարճաժամկետ, այնպես էլ երկարաժամկետ ծրագրերը: Միաժամանակ, Նիկոլ Փաշինյանը տեղեկացրել է, որ ՀՀ կառավարությունը հաստատել է բռնի տեղահանվածների բնակարանային ապահովման ծրագիրը: Այս համատեքստում կարևորվել է նաև միջազգային հանրության աջակցությունը:Տարածաշրջանային կայունության և խաղաղության ապահովման հարցում երկուստեք ընդգծվել է Հայաստանում ԵՄ քաղաքացիական առաքելության գործունեության կարևորությունը:

Ամենաշատ կարդացվածներ

Ադրբեջանն իր «դատավարություններով» հաշվարկել է, որ ՀՀ-ի «պատճառած վնասը» գերազանցում է 11 մլրդ ԱՄՆ դոլարը․ Թաթոյան

14.03 21:37 | Կատեգորիա Մտքեր

«Ինչղ օր իր հոր դիմաց դնի թեկնածությունը»․ Վարդան Ղուկասյանն ասում է, Արտյոմ Թումանյանն՝ արձագանքում

15.03 01:22 | Կատեգորիա Քաղաքական

Սառը ցնցուղ դժոխքում, ուր հայտնվել են հայերը

15.03 00:30 | Կատեգորիա Ժամանց

Գիտնականները նշել են, թե ինչ ազդեցություն է ունենում քնի խանգարումները տարեցների ուղեղի վրա

13.03 23:47 | Կատեգորիա Բժշկություն

«Ոչ ոք չէր ասել, թե ինչքան դшժան հոգեբանական վիճակում եմ հայտնվելու, բոլորը նկարագրել էին մայրության միայն վարդագույն կողմը». Լարա Առաքելյան

14.03 23:20 | Կատեգորիա Ժամանց

Տորոնտոյում Բաքվում պահվող գերիների ազատման պահանջով բողոքի ակցիա են անցկացրել (Լուսանկարներ)

15.03 23:19 | Կատեգորիա Քաղաքական

ՔՊ-ին թողած «Մայր Հայաստանի» դեմ կռիվ տալը, մեղմ ասած, շատ վատ բան է. Գևորգ Ստեփանյան

15.03 23:27 | Կատեգորիա Մտքեր

Գիտնականները բացահայտել են խորջրյա ձկների էքստրեմալ պայմաններում գոյատևելու գաղտնիքները

14.03 02:00 | Կատեգորիա Գիտություն և մշակույթ

Բաքվի դատարանում Բակո Սահակյանն ու Արայիկ Հարությունյանը պատասխանել են իրենց ուղղված հարցերին. Հետք

14.03 23:49 | Կատեգորիա Մամուլ

ՈՒՂԻՂ