Թուրքիայի նախագահ Ռեջեփ Թայիփ Էրդողանը հայտարարել է, որ քուրդ քաղաքական գործիչ Սելահաթթին Դեմիրթաշի հնարավոր ազատ արձակման վերաբերյալ իր որոշումը Անկարան կհիմնի նրա գործով տեղական դատական իշխանությունների որոշման վրա։
Այսպես է նա մեկնաբանել Մարդու իրավունքների եվրոպական դատարանի (ՄԻԵԴ) վճիռը, որը երկուշաբթի օրը մերժել է Դեմիրթաշի գործով նախկինում կայացրած վճիռը վերանայելու վերաբերյալ Թուրքիայի բողոքը։
«Մենք օրենքի գերակայությամբ կառավարվող պետություն ենք։ Մենք կհետևենք տեղական դատարանի կողմից կայացրած որոշմանը», - Էրդողանի խոսքերն է մեջբերել NTV-ն։
Թուրքիայի արդարադատության նախարար Յըլմազ Թունչը չորեքշաբթի օրը ավելի վաղ հայտարարել էր, որ Անկարայի շրջանային դատարանը, որտեղ Դեմիրթաշի փաստաբանները բողոքարկել էին Ստրասբուրգի դատարանի վճռից հետո, կքննի Դեմիրթաշի գործը։
«Մենք պետք է սպասենք Անկարայի դատարանի որոշմանը», - լրագրողներին ասել է նա։
