Թրամփի վարչակազմը սկսել է Մեքսիկայում թմրամիջոցների դեմ պայքարի առաքելության պլանավորումը և չի բացառել զորքերի կիրառումը, հաղորդում է NBC-ն՝ հղում անելով պաշտոնյաներին։
«Թրամփի վարչակազմը սկսել է մանրամասն պլանավորել նոր առաքելություն՝ ամերիկյան զորքեր և հետախուզության աշխատակիցներ ուղարկելու Մեքսիկա՝ թմրամիջոցների կարտելների դեմ պայքարելու համար», - ասվում է հրատարակության մեջ։
Հեռուստաալիքի աղբյուրների փոխանցմամբ՝ արդեն սկսվել են հնարավոր առաքելության նախապատրաստման վաղ փուլերը, որը կներառի ցամաքային գործողություններ Մեքսիկայի տարածքում։
