ԱՄՆ-ը փակ բանակցություններ է վարում մի քանի երկրների հետ Գազայի հատվածում միջազգային կայունացման ուժեր ստեղծելու վերաբերյալ և մտադիր է առաջիկա մի քանի շաբաթների ընթացքում ներկայացնել ծրագիր, հաղորդում է Axios-ը՝ հղում անելով աղբյուրներին։
«Տարածաշրջանի երկրները մեծ հետաքրքրություն են ցուցաբերում միջազգային ուժերին մասնակցելու հարցում: Ոչ ոք չի մերժել այն, և նրանք բոլորը սպասում են վերջնական նախագծին», - ասել է անանուն ամերիկացի պաշտոնյան: Ակնկալվում է, որ ծրագիրը կընդունվի առաջիկա օրերին և մի քանի շաբաթվա ընթացքում կներկայացվի Իսրայելին և մյուս մասնակիցներին:
Միջազգային ուժերի կազմում կներառվեն Ադրբեջանի, Եգիպտոսի, Ինդոնեզիայի և Թուրքիայի ներկայացուցիչներ, ինչպես նաև պաղեստինյան ոստիկանության ստորաբաժանումներ: Ըստ ծրագրի՝ նրանք կտեղակայվեն անկլավի՝ Եգիպտոսի և Իսրայելի հետ սահմանին:
