Հարավային Կորեայի արտաքին գործերի նախարար Չո Հյունը հույս է հայտնել, որ ԱՄՆ-ի և Հյուսիսային Կորեայի առաջնորդներ Դոնալդ Թրամփը և Կիմ Չեն Ընը կկարողանան «հանդիպել հաջորդ հնարավորության դեպքում»։ Նա այս հայտարարությունն արել է ԱԽՏՀ նախարարական նիստից հետո կայացած ճեպազրույցի ժամանակ։
«Ես կարծում եմ, որ որոշ պահի կհայտնվի ևս մեկ հնարավորություն, քանի որ ԱՄՆ նախագահ Դոնալդ Թրամփն ասել է, որ հույս ունի, որ հանդիպումը կկայանա հաջորդ հնարավորության դեպքում», - նշել է Չո Հյունը։
Թրամփն այսօր ավարտեց իր պետական այցը Կորեայի Հանրապետություն և մեկնեց Միացյալ Նահանգներ։ Նախկինում հարավկորեական լրատվամիջոցներն ու փորձագետները ենթադրում էին, որ Թրամփը և Կիմ Չեն Ընը կարող են հանդիպել միջկորեական սահմանին, ինչպես դա տեղի ունեցավ 2019 թվականին։
Չո Հյունը նաև հավելել է, որ Հարավային Կորեայի կառավարությունը որևէ կոնկրետ ծրագիր չունի ԿԺԴՀ-ի և ԱՄՆ-ի առաջնորդների միջև նոր հանդիպման վերաբերյալ։
