Հարավային Կորեային մոտ 10 տարի կպահանջվի իր առաջին միջուկային շարժիչով սուզանավը մշակելու համար, հաղորդում է «Ռենհապ» լրատվական գործակալությունը՝ հղում անելով Հարավային Կորեայի ռազմածովային ուժերի շտաբի պետ, ծովակալ Կանգ Դոնգ-գիլի հայտարարությանը։
Գործակալությունը նշում է, որ ծովակալը այս հայտարարությունն արել է հինգշաբթի օրը խորհրդարանական նիստում ունեցած ելույթի ժամանակ։ Կանգ Դոնգ-գիլի խոսքով՝ դեռևս որոշում չի կայացվել «Դոսան Ան Չանգհո» դասի սուզանավի նախագծի շրջանակներում միջուկային շարժիչով սուզանավի մշակման վերաբերյալ։
«Եթե որոշում կայացվի, այն (սուզանավի ստեղծումը) կտևի մոտավորապես 10 տարի», - Ռենհապը մեջբերում է Ռազմածովային շտաբի պետի խոսքերը։
Գործակալության տվյալներով՝ ծովակալը կանխատեսել է, որ ապագա սուզանավը կունենա 5000 տոննա կամ ավելի ջրատարողություն։ Դրա հարստացված ուրանի մակարդակը կլինի 20% կամ ավելի ցածր՝ «խաղաղ նպատակի» պատճառով։
