Թուրքիան կոչ է արել Իսրայելին պահպանել Գազայի հատվածում հրադադարը՝ նշելով, որ դա կենսական նշանակություն ունի խաղաղության և տարածաշրջանային անվտանգության ապահովման համար։ «Իսրայելի հարձակումները Գազայի հատվածում հրադադարի բացահայտ խախտում են։
Մենք խորապես մտահոգված ենք այս հարձակումների հետևանքով քաղաքացիական բնակչության շրջանում զոհերի մասին հաղորդագրություններից և վերահաստատում ենք, որ հրադադարի լիարժեք պահպանումը կենսական նշանակություն ունի երկարատև խաղաղության հույսը պահպանելու և տարածաշրջանային անվտանգությունն ապահովելու համար։
Մենք կրկին կոչ ենք անում Իսրայելին զերծ մնալ խաղաղությունն ու կայունությունը խաթարող գործողություններից», – ասվում է Թուրքիայի արտաքին գործերի նախարարության հայտարարության մեջ։Նշվում է, որ Թուրքիան շարունակելու է համերաշխություն ցուցաբերել պաղեստինցի ժողովրդի հետ և աջակցել տարածաշրջանում արդար, տևական և համապարփակ խաղաղության հասնելու ջանքերին։
