Արևմուտքը փորձում է Անդրկովկասի և Կենտրոնական Ասիայի երկրներն անջատել Ռուսաստանից ՝ փոխգործակցության սեփական կառույցների ստեղծման միջոցով. Մոսկվան կկանխի այդ փորձերն առկա բոլոր հնարավոր միջոցներով, այս մասին հայտարարել է Ռուսաստանի արտաքին գործերի նախարար Սերգեյ Լավրովը Եվրասիական անվտանգության հարցերով Մինսկի երրորդ միջազգային խորհրդաժողովի բարձր մակարդակի լիագումար նիստի արդյունքներին նվիրված մամուլի ասուլիսում:
«ՆԱՏՕ-ն և Եվրամիությունը կազմակերպում են իրենց սեփական երկխոսությունները, փոխգործակցության կառույցները Կենտրոնական Ասիայի երկրների, Անդրկովկասի երկրների հետ, և այդ կապերն Արևմուտքը փորձում է օգտագործել ոչ այնքան փոխշահավետ համագործակցության համար, որքան այդ երկրները Ռուսաստանից անջատելու համար։
Այդ միտումները մենք, անշուշտ, կխափանենեք առկա բոլոր հնարավորություններով՝ դիվանագիտական, քաղաքական և տնտեսական միջոցներով», - Լավրովի խոսքերն է մեջբերում ՏԱՍՍ-ը:
