Էստոնիայի պաշտպանության նախարար Հաննո Պևկուրը քննադատել է Իսպանիային՝ իր խոսքով, անբավարար ռազմական ծախսերի համար, որոնք կազմում են ՀՆԱ-ի 2%-ը: Այնուամենայնիվ, Պևկուրը նշել է, որ իր երկիրը մտադիր է հասնել 5%-ի մինչև 2026 թվականը:
«Ես վախենում եմ, որ (պաշտպանության վրա ծախսվող ՀՆԱ-ի 2%-ը – խմբ.) բավարար չէ Իսպանիայի համար։ Ես չեմ կարող ասել, թե որ տոկոսն է ճիշտ։ Իսպանացի փորձագետները պետք է հաշվարկեն՝ դա 3% է, թե 3.5%», - ասել է Պևկուրը իսպանական Pais թերթին տված հարցազրույցում։
Նա նաև հավելեց, որ անցյալ շաբաթ ՆԱՏՕ-ն անցկացրել է իր առաջին իրավիճակի վերանայումը, որը ցույց է տվել, որ դաշինքի բոլոր երկրներում դեռ շատ անելիքներ կան: Պևկուրի խոսքով՝ Էստոնիայի պաշտպանական ծախսերը ներկայումս կազմում են ՀՆԱ-ի 3.3%-3.4%-ը, բայց 2026 թվականին դրանք պետք է բարձրանան մինչև ՀՆԱ-ի 5%-ը և չորս տարի անց գերազանցեն 5.6%-ը:
