ԱՄՆ նախագահ Դոնալդ Թրամփը վստահություն է հայտնել, որ ԱՄՆ-Ճապոնիա հարաբերությունները կլինեն ավելի ամուր, քան երբևէ, և պատրաստակամություն է հայտնել համագործակցել Ճապոնիայի վարչապետ Սանաե Տակաիչիի հետ։«Ես միշտ մեծ սեր և խորը հարգանք եմ տածել Ճապոնիայի նկատմամբ, և ուզում եմ ասել, որ սա կլինի այնպիսի հարաբերություն, որն ավելի ամուր կլինի, քան երբևէ։
Ես անհամբեր սպասում եմ ձեզ հետ մեր երկրի անունից համագործակցելուն», – ասել է Թրամփը Տակաիչիի հետ հանդիպման ժամանակ։Ամերիկացի առաջնորդը նաև նշել է, որ ինքը և Ճապոնիայի վարչապետը պատրաստվում են ստորագրել նոր առևտրային համաձայնագիր, որը նա որակել է որպես շատ արդար։
