ԱՄՆ նախագահ Դոնալդ Թրամփը Կոնգրեսի անդամներին կտեղեկացնի Վենեսուելայի և Կոլումբիայի դեմ ԱՄՆ գործողության հնարավոր ընդլայնման մասին՝ ներառյալ ցամաքային հարվածները, հայտարարել է ամերիկացի սենատոր Լինդսի Գրեհեմը։
Սեպտեմբերի 27-ին ամերիկյան NBC հեռուստաալիքը նշել է, որ ԱՄՆ զինված ուժերը մշակում են Վենեսուելայի ներսում թմրանյութերի ապօրինի շրջանառության դեմ պայքարի տարբերակներ, նման հարվածները կարող են սկսվել մի քանի շաբաթվա ընթացքում, չնայած Թրամփը դեռևս ոչինչ չի հաստատել։Շաբաթ օրը Վենեսուելայի նախագահ Նիկոլաս Մադուրոն ընդգծել է, որ Միացյալ Նահանգները նոր պատերազմ է նախապատրաստում Կարիբյան ավազանում, չնայած ամերիկացի առաջնորդի՝ զինված հակամարտություններին չմասնակցելու խոստումներին։
«Թրամփը երեկ ինձ ասաց, որ երբ վերադառնա Ասիայից, նախատեսում է Կոնգրեսի անդամներին տեղեկացնել Վենեսուելայի և Կոլումբիայի դեմ ապագա հնարավոր ռազմական գործողությունների մասին, ուստի, Կոնգրեսում լսումներ կլինեն ծովից ցամաք հարվածների հնարավոր ընդլայնման վերաբերյալ», - CBS-ին ասել է Գրեհեմը։
