ԱՄՆ նախագահ Դոնալդ Թրամփը մտադիր է հոկտեմբերի 30-ին Հարավային Կորեայում Չինաստանի նախագահ Սի Ծինփինի հետ կայանալիք հանդիպման ժամանակ բարձրացնել Թայվանին վերաբերող հարցերը։
«Ես կխոսեմ Թայվանի մասին։ Ես այնտեղ չեմ գնա, բայց կխոսեմ դրա մասին», - նշել է Վաշինգտոնի վարչակազմի ղեկավարը։ Ամերիկացի առաջնորդը Սպիտակ տան Հարավային մարգագետնում պատասխանել է լրագրողների հարցերին՝ իր շրջագայության մեկնարկից առաջ։
«Ես մեծ հարգանք ունեմ Թայվանի նկատմամբ», - հավելել է Թրամփը։
«Մենք շատ բան ունենք քննարկելու նախագահ Սի Ծինփինի հետ։ Եվ նա շատ բան ունի քննարկելու մեզ հետ։ Կարծում եմ՝ դա լավ հանդիպում կլինի», - ասել է
Վաշինգտոնի վարչակազմի ղեկավարը։
Նա բացատրել է, որ ցանկանում է քննարկել, մասնավորապես, ամերիկյան գյուղատնտեսական արտադրանքի Չինաստան մատակարարման հետ կապված հարցեր։
