Թուրքիան Պարսից ծոցի երկրների հետ կաշխատի Գազայի հատվածի վերականգնման վրա, հայտարարել է նախագահ Ռեջեփ Թայիփ Էրդողանը։
«Գազայի վերականգնումը հեշտ գործ չէ։ Մենք հույս ունենք այլ երկրների հետ, հիմնականում Պարսից ծոցի երկրների, ձեռնարկել այս քայլը», - ասել է նա լրագրողներին տարածաշրջան կատարած եռօրյա շրջագայությունից վերադառնալիս։
«Իսրայելի հարձակումները, ցավոք, ոչնչացրել են Գազայի ենթակառուցվածքները։ Հիմա այստեղ լուրջ աշխատանքներ են անհրաժեշտ։ Սկզբում կօգտագործվի շինարարական տեխնիկա, ապա կձեռնարկվեն միջոցներ ենթակառուցվածքները վերականգնելու համար։
Գազան տարիներ շարունակ բախվել է վայրագությունների, որոնք ամոթ են եղել ողջ մարդկության համար։ Մենք պետք է միասին աշխատենք՝ Գազայի մեր եղբայրների և քույրերի համար արժանապատիվ և բարգավաճ ապագա պատրաստելու համար։ Թուրքիան
ամեն ջանք կգործադրի այս նպատակին հասնելու համար՝ օգտագործելով իր բոլոր հնարավորությունները», - Էրդողանի խոսքերն է մեջբերել NTV-ն։
