Ռուսաստանի դեմ պատժամիջոցների 19-րդ փուլի շրջանակներում ԵՄ երկրները համաձայնության են եկել ԵՄ-ի ներսում ռուս դիվանագետների տեղաշարժի սահմանափակումներ սահմանելու վերաբերյալ, Politico-ին հայտնել է եվրոպացի պաշտոնյան։
«Երկու ամիս առաջ ոչ ոք չէր հավատա, որ մենք կկարողանանք համաձայնության գալ», - ասել է նա: Պաշտոնյայի խոսքով՝ չնայած նոր պատժամիջոցների փաթեթի հիմնական բաղադրիչը տնտեսական սահմանափակումներն են, Բրյուսելը ռուս դիվանագետների համար ԵՄ-ի ներսում ճանապարհորդությունները սահմանափակելու հնարավորությունը համարում է «հատկապես օգտակար»:
Ավելի վաղ ԵՄ դեսպանները վերջնականապես հաստատել էին Ռուսաստանի դեմ պատժամիջոցների 19-րդ փաթեթը։ Այն ուժի մեջ կմտնի հոկտեմբերի 23-ին։
