Աբու Դաբիի «Էթիհադ» արենայում հոկտեմբերի 26-ին տեղի կունենա խառը մենամարտերի UFC 308 մրցաշարը։ Օկտագոն դուրս կգա նաև Հայաստանի ներկայացուցիչ Արմեն Պետրոսյանը։ Նա կմենամարտի անպարտելի Շարա Մագոմեդովի հետ։
Երեկոյի հիմնական մենամարտում էլ օկտագոն դուրս կգան UFC-ի կիսաթեթև քաշային կարգի չեմպիոն Իլյա Տոպուրիան ու Մաքս Հոլոուեյը։Արմեն Պետրոսյանը, Էյ Ջեյ Դոբսոնի ու Քրիստիան Դանկանի նկատմամբ հաղթանակներից հետո հայտարարեց, որ պատրաստ է մենամարտ անցկացնել թոփ-15-ի մարտիկի հետ: Պետրոսյանը ստացավ հնարավորություն իր տեղը լավագույնների դասում ապահովելու համար, բայց Ռոդոլֆո Վիեյրաի դեմ անհաջող մենամարտ վարեց և առաջին ռաունդի վերջում ընդունեց պարտությունը:
Մագոմեդովը չունի պարտություն ու առանց արգելքների առաջ է շարժվում:Շարա Մագոմեդովը պրոֆեսիոնալ կարիերայում անցկացրել է 14 մենամարտ, տարել է 14 հաղթանակ, 11-ը՝ նոկաուտով, 3 մենամարտ ավարտել է մրցավարների որոշմամբ։Արմեն Պերոսյանն անցկացրել է 12 մենամարտ, տարել է 9 հաղթանակ, 6-ը՝ նոկաուտով, 3-ը մրցավարների որոշմամբ, կրել է 3 պարտություն։
