Գիտնականները պարզել են, որ Մարսի ապագա առաքելությունների հաջողությունը կախված է ոչ միայն տեխնիկայից, այլև հենց մարդկանցից՝ նրանց բնավորությունից։ Նյու Ջերսիի «Stevens Institute of Technology»-ի հետազոտությունը ցույց է տվել, որ տարբեր հոգեբանական տիպերով կազմված թիմերն ավելի լավ են հաղթահարում երկարատև մեկուսացումն ու ծանր աշխատանքային պայմանները։
Հոկտեմբերի 8-ին PLOS One-ում հրապարակված ուսումնասիրության հեղինակներ Իզեր Պենան և Հաո Չենը համակարգչային մոդելավորմամբ ստեղծել են 500-օրյա մարսյան առաքելության վիրտուալ թիմեր՝ տարբեր բնավորություններով «աստղագնացներով»․ պարտաճանաչ, էքստրավերտ, համերաշխ և ցածր նյարդային։
Արդյունքները ցույց են տվել, որ բազմազան բնավորություններով թիմերը ավելի ստրեսակայուն են, քան միատեսակ խմբերը։ Պարտաճանաչ և նվազ նյարդային մասնակիցներով թիմերը պահպանել են հանգստություն ու արդյունավետություն՝ անգամ բարձր ճնշման պայմաններում։
Գիտնականների խոսքով՝ մոտ երեք տարի տևող մարսյան առաքելության ժամանակ հոգեբանական ներդաշնակությունը կարող է լինել նույնքան կարևոր, որքան՝ տեխնիկական հուսալիությունը։
