Ռուսաստանի Գիտությունների ազգային ակադեմիայի մասնագետները հայտնել են, որ հոկտեմբերի 8-ին պահպանվելու է գեոմագնիսական խանգարումների և թույլ մագնիսական փոթորիկների հավանականությունը։
Ըստ նրանց՝ գեոմագննիսական պայմանները կմնան խանգարված՝ թույլ մագնիսական փոթորիկների հավանականությամբ, իսկ արեգակի բռնկումների ակտիվությունը փոքր-ինչ բարձր է, բայց նվազման փուլում է։
Նշվում է, որ նախորդ օրվա ընթացքում դաշտը թեթև խանգարված է եղել՝ Արեգակից Երկիր հասած պլազմային արտանետման հետևանքով։ Արեգակի վրա բռնկումների ակտիվությունը եղել է ցածր՝ միայն առանձին միջին ուժգնության բռնկումներով, որոնք վտանգ չեն ներկայացրել Երկրի համար։
Մասնագետների գնահատմամբ՝ արեգակնային նման երևույթները երբեմն կարող են առաջացնել կապի, նավիգացիոն համակարգերի և էլեկտրացանցերի կարճատև խափանումներ, սակայն այս դեպքում լուրջ հետևանքներ չեն սպասվում։
