Թբիլիսիի քաղաքապետ, իշխող «Վրացական երազանք - ժողովրդավարական Վրաստան» կուսակցության գլխավոր քարտուղար Կախա Կալաձեն հայտարարել է, որ իրեն չի հետաքրքրում, թե ինչ են մարդիկ մտածում ԵՄ ընտրությունների մասին, նրան հետաքրքրում է միայն վրաց ժողովրդի ընտրությունը։
Ավելի վաղ Եվրոպական Միության գերագույն ներկայացուցիչ Կայա Կալլասը և ընդլայնման հարցերով եվրահանձնակատար Մարտա Կոսը համատեղ հայտարարություն էին տարածել, որում նշվում էր, որ շաբաթ օրը Վրաստանում կայացած մունիցիպալ ընտրությունները տեղի են ունեցել այլախոհության լայնածավալ ճնշման մթնոլորտում։
«Եվրամիությունն ինձ ընդհանրապես չի հետաքրքրում։ Ես հետաքրքրված եմ Նորին Մեծություն, վրաց ժողովուրդով։ Դուք պետք է հասկանաք մեկ բան. այս երկրի կառավարիչները սովորական քաղաքացիներն են։ Հիշե՛ք սա։ Այս երկիրը կառավարում է միայն Նորին Մեծություն վրաց ժողովուրդը», - լրագրողներին ասել է Կալաձեն։
