Ֆրանսիայի վարչապետի պաշտոնից հրաժարական տված Սեբաստիան Լեկորնյուն երեք պատճառ է նշել կաբինետի ղեկավարի պաշտոնից հեռանալու համար։
Երկուշաբթի օրը «Ֆրանս Պրես» գործակալությունը հաղորդել է, որ Լեկորնուն իր հրաժարականի դիմումը ներկայացրել է նախագահ Էմանուել Մակրոնին։
«Այս երկուշաբթի առավոտից սկսած՝ վարչապետի գործառույթները կատարելու և կառավարության վաղը Ազգային ժողովում (խորհրդարանի ստորին պալատում) ելույթ ունենալու համար անհրաժեշտ պայմանները այլևս չեն բավարարվում», - ասել է նա BFMTV-ով հեռարձակված մամուլի ասուլիսում։
Առաջին պատճառը, ըստ նրա, ընդդիմության արձագանքն էր Լեկորնուի այն հավաստիացմանը, որ նա կհրաժարվի սահմանադրության 49.3 հոդվածի կիրառումից, որը թույլ է տալիս կառավարությանը օրինագիծն անցկացնել առանց քվեարկության։
Այն թույլ է տալիս անսահմանափակ թվով անգամներ խորհրդարանի անդամների կողմից առանց քվեարկության ընդունել բյուջեի և սոցիալական ապահովության օրինագծերի տեքստը։ Լեկորնուի խոսքով՝ ընդդիմադիր քաղաքական գործիչները ձևացրել են, թե այս քայլը չեն համարում «ճեղքում»։
Որպես երկրորդ պատճառ՝ քաղաքական գործիչը նշել է քաղաքական կուսակցությունների դիրքորոշումը։ Նա պնդում է, որ նրանք շարունակում են գործել այնպես, կարծես խորհրդարանում ունեն բացարձակ մեծամասնություն, և յուրաքանչյուր կուսակցություն ցանկանում է, որ իր ծրագիրն ամբողջությամբ ընդունվի։
«Երրորդ՝ կառավարության կազմը ընդհանուր շրջանակներում ֆունկցիոնալ չէր և հանգեցրեց որոշակի կուսակցական ամբիցիաների արթնացմանը, երբեմն կապված առաջիկա նախագահական ընտրությունների հետ, ինչը, սակայն, լիովին լեգիտիմ է», - նշել է նա։
