Ռուսաստանը երկու անգամ հայտարարել է Հյուսիսատլանտյան դաշինքին միանալու իր պատրաստակամության մասին, սակայն երկու անգամ էլ մերժվել է։ Այս մասին հայտարարել է Ռուսաստանի նախագահ Վլադիմիր Պուտինը «Վալդայ» միջազգային քննարկման ակումբի 22-րդ նիստի լիագումար նիստում, հաղորդում է «ՌԻԱ Նովոստի»-ն։
«Մեր երկիրը, ձգտելով վերացնել բլոկային դիմակայության հիմքերը և ստեղծել ընդհանուր անվտանգության տարածք, երկու անգամ նույնիսկ հայտարարել է ՆԱՏՕ-ին միանալու իր պատրաստակամության մասին. առաջին անգամ՝ 1954 թվականին, դեռևս ԽՍՀՄ օրոք , և երկրորդ անգամ՝ ԱՄՆ նախագահ (Բիլ Քլինթոն 1993-2001 թվականներին՝ խմբ.) Քլինթոնի Մոսկվա կատարած այցի ժամանակ։ Ես արդեն խոսել եմ այդ մասին, երբ քննարկել ենք այս թեման նրա հետ», - ասել է Պուտինը։
