Ընտրությունների պատրաստվող Վաղարշապատ քաղաքի նոր ոստիկանապետի ընտրությունը պատահական չէ․ իրականում բացի ԱԺ պատգամավոր Արգիշտի Մեխակյանի համագյուղացի լինելուց՝ նա Փարաքար համայնքի համայնքապետի ժամանակավոր պաշտոնակատար, հայտնի ՔՊ-ական Լյուդվիգ Գյուլնազարյանի աներորդին է։
Փայլակ Շմավոնյանի մասին լավ և վատ կարծիք ունեցողները շատ են, բայց հատկանշական է, որ այս անձին Խոյ համայնքի բնակիչները համարում են ռիսկային ոստիկանապետ, քանի որ, ըստ նրանց, քրեական որոշ տարրերի հետ կապեր ունի ու, ըստ այդմ, որպես ոստիկանապես կլինի, մեղմ ասած, ոչ արդյունավետ, եթե չասենք՝ համագործակցային։
Սա, թերևս, հասարակության տարբեր շերտերի ընդհանուր ընկալում է, իսկ, օրինակ, ընդդիմադիր շրջանակներում համոզված են, որ այս նշանակումը կապված է նոյեմբերի 16-ի Վաղարշապատ խոշորացված համայնքի ավագանու ընտրությունների հետ, հավանաբար որպեսզի կարողանան ճնշումներ գործադրել ընդդիմադիր թեկնածուների նկատմամբ:
