Բուլղարիայում տեղի են ունենում ՆԱՏՕ-ի միջազգային արտակարգ իրավիճակների կառավարման վարժանքներ, որոնց մասնակցում են մի քանի տասնյակ երկրներից հազարից ավելի մարդիկ, հաղորդում է Բուլղարիայի ազգային ռադիոն (ԲՆՌ):
«Բուլղարիա 2025» զորավարժությունների պաշտոնական բացումը տեղի է ունեցել երկրի հյուսիս-արևմուտքում գտնվող Մոնտանա շրջանի Էրդեն գյուղի օդանավակայանում: Արարողությանը մասնակցել են ՆԱՏՕ-ի գլխավոր քարտուղարի տեղակալ Ռադմիլա Շեկերինսկան և Բուլղարիայի ներքին գործերի նախարար Դանիել Միտովը:
Հսկայական աշխատանք կկատարվի ճգնաժամային իրավիճակներին արձագանքելու, երկրաշարժերի, ահաբեկչական հարձակումների, տեխնոլոգիական խափանումների մոդելավորման և, իհարկե, այլ սցենարների վրա, որոնք կփորձարկեն ոչ միայն ՆԱՏՕ-ի, այլև բուլղարական հաստատությունների պատրաստվածությունը», - ասել է ներքին գործերի նախարարը։
Զորավարժությունները կտևեն մինչև սեպտեմբերի 12-ը։ Մասնակցում են ավելի քան 40 երկրների և կազմակերպությունների մոտ 1200 ներկայացուցիչներ։
