Վրաստանի նախագահ Միխեիլ Կավելաշվիլին ներում է շնորհել ընդդիմադիր «Հզոր Վրաստան - Լելո» կուսակցության առաջնորդներ Մամուկա Խազարաձեին և Բադրի Ջափարիձեին։ Այս մասին նա գրել է Facebook-ում։
«Որպեսզի ոչ ոք որևէ հիմք չունենա կարծելու, որ տեղական ինքնակառավարման մարմինների ընտրություններն անցկացվում են սահմանափակ մրցակցության պայմաններում, ես որոշել եմ ներում շնորհել երկու բանտարկյալների՝ Մամուկա Խազարաձեին և Բադրի Ջափարիձեին», - ասվում է Կավելաշվիլիի հայտարարության մեջ։
Ինչպես նշել է նախագահը, հոկտեմբերի 4-ին կայանալիք մունիցիպալ ընտրությունների ընտրական սուբյեկտների գրանցման գործընթացն ավարտվել է մեկ օր առաջ։ Գրանցված կուսակցությունների շարքում կա մեկը, որի առաջնորդները պատիժ են կրում՝ «Հզոր Վրաստան - Լելո»-ն։
Միաժամանակ, Կավելաշվիլին գրում է, որ ընտրությունները «չպետք է դառնան հանցագործություն կատարած որևէ քաղաքական գործչի համար հաճույք»։
