Շանհայի համագործակցության կազմակերպության (ՇՀԿ) անդամ երկրները խստորեն դատապարտել են 2025 թվականի հունիսին Իրանի վրա ԱՄՆ-ի և Իսրայելի հարվածները և նշել ռազմական հակամարտությունների ժամանակ միջուկային ենթակառուցվածքներին վնասելու անթույլատրելիությունը։ Այս մասին ասվում է Տյանցզինում կայացած գագաթնաժողովի եզրափակիչ հռչակագրում։
«Անդամ պետությունները խստորեն դատապարտել են Իսրայելի պետության և Ամերիկայի Միացյալ Նահանգների կողմից 2025 թվականի հունիսին Իրանի Իսլամական Հանրապետության դեմ ուղղված ռազմական հարվածները։ Քաղաքացիական թիրախների դեմ նման ագրեսիվ գործողությունները՝ «ներառյալ միջուկային էներգիայի ենթակառուցվածքները, որոնք հանգեցրին խաղաղ բնակիչների մահվան, միջազգային իրավունքի սկզբունքների և նորմերի, ինչպես նաև ՄԱԿ-ի կանոնադրության կոպիտ խախտում են, ոտնձգություն Իրանի Իսլամական Հանրապետության ինքնիշխանության նկատմամբ», - նշվում է փաստաթղթում։
ՇՀԿ անդամ պետությունները նշել են, որ զինված հակամարտության ժամանակահատվածներում պետք է ապահովվի բոլոր միջուկային ենթակառուցվածքների անվտանգությունը՝ «բնակչությունն ու շրջակա միջավայրը վնասից պաշտպանելու համար»։
