Այսօր Սեպտեմբերի 1-ն է՝ Գիտելիքի և դպրության օրը:Թիենծին քաղաքում Շանհայի համագործակցության կազմակերպության գագաթնաժողովին մասնակցող Նիկոլ Փաշինյանը շնորհավորել է սեպտեմբերի 1-ը` Գիտելիքի և դպրության օրը՝ հրապարակելով «Լավ սովորիր, որ լավ ապրես» կարգախոսը:
Հիշեցնենք, որ նույն գրությամբ պաստառ Նիկոլ Փաշինյանը ցուցադրեց նաև 2025 թվականի հուլիսի 17-ի կառավարության նիստում։ Պաստառի վրա գրված էր. «Լավ սովորիր, որ լավ ապրես», այն պետք է փակցվի առնվազն բոլոր նորակառույց դպրոցներում:Փաշինյանն այս միտքը ոչ միայն հնչեցրեց որպես կարգախոս, այլև ներկայացրեց այն որպես պետական մտածողության խորհրդանիշ:
«Մենք մեր աշխատանքում դրանում համոզված ենք։ Լա՛վ սովորիր, որ լա՛վ ապրես։ Եվ համոզված ենք, որ սա շատ պրակտիկ ուղերձ է, որի ճշմարտացիության մեջ կասկածելու որևէ առիթ երբևէ որևէ մեկը չի կարող ունենալ», – նշել էր Փաշինյանը:
