ԱՄՆ պետքարտուղար Մարկո Ռուբիոն եվրոպացի պաշտոնյաներին ասել է, որ Եվրոպան պետք է առաջատար դեր ստանձնի Ուկրաինայի համար անվտանգության երաշխիքներ տրամադրելու հարցում հակամարտության ավարտից հետո, հաղորդում է CNN-ը՝ հղում անելով անանուն եվրոպացի դիվանագետի։
Նրա խոսքով՝ Պետդեպարտամենտի ղեկավարը Սպիտակ տան այս դիրքորոշումը հայտնել է հինգշաբթի օրը եվրոպացի ազգային անվտանգության խորհրդականների հետ հեռախոսազրույցի ժամանակ։
Ռուբիոն նաև նշել է, որ Վաշինգտոնը պատրաստ է մասնակցել Ուկրաինայի համար անվտանգության երաշխիքներ տրամադրելուն, սակայն չի մանրամասնել, թե ինչ քայլեր կարող է ձեռնարկել Միացյալ Նահանգները այս ուղղությամբ։
ԱՄՆ սահմանափակ ներգրավվածությունը կարող է ներառել ամերիկացի օդաչուների, որոնք կկատարեն հետախուզական թռիչքներ Ուկրաինայի վրայով, CNN-ին հայտնել են այլ աղբյուրներ: CNN-ի աղբյուրները հավելել են, որ ԱՄՆ վարչակազմը քննարկում է նաև այդ նպատակներով անօդաչու թռչող սարքերի օգտագործման տարբերակը:
