Բելառուսի նախագահ Ալեքսանդր Լուկաշենկոն հայտարարել է, որ Չինաստան այցի ընթացքում նախատեսում է հանդիպել Չինաստանի առաջնորդ Սի Ծինփինի հետ։
«Սա կարևոր է նաև Չինաստանի Ժողովրդական Հանրապետություն կատարած իմ այցի և Չինաստանի Ժողովրդական Հանրապետության նախագահ Սի Ծինփինի հետ զրույցի կապակցությամբ։ Մենք նման հանդիպում ենք պլանավորում», - ասել է Լուկաշենկոն հրթիռների արտադրության հարցով խորհրդակցության ժամանակ։
Նա նշել է, որ այս ֆոնի վրա կարևոր է նաև որոշել Բելառուսում հրթիռների արտադրության հեռանկարները։
«Որովհետև մենք հրթիռների արտադրությունը սկսել կամ շարունակել ենք Չինաստանի ռազմաարդյունաբերական համալիրի հետ սերտ կապի մեջ, և այժմ մենք կապեր ունենք», - ասել է Լուկաշենկոն։
Շանհայի համագործակցության կազմակերպության գագաթնաժողովը տեղի կունենա Տյանցզինում օգոստոսի 31-ից սեպտեմբերի 1-ը։
