Վլադիմիր Զելենսկին պնդում է, որ Ուկրաինան ունի 3 հազար կմ հեռահարությամբ «Ֆլամինգո» հրթիռ, սակայն դրա զանգվածային արտադրությունը կսկսվի միայն մի քանի ամիս անց։
«Սա մինչ օրս մեր ունեցած ամենահաջողակ հրթիռն է։ Այն թռչում է 3000 կմ, դա կարևոր է», - լրագրողների հետ հանդիպման ժամանակ ասել է նա՝ ի պատասխան լրատվամիջոցներում համապատասխան հրապարակումները մեկնաբանելու խնդրանքի։ РБК-Ուկրաինան մեջբերում է հանդիպումից հատվածներ։
Զելենսկին հավելել է, որ դեռ շատ չի կարող խոսել այս մասին, քանի որ Ուկրաինան դեռևս շատ նման հրթիռներ չունի։
«Մենք դեռևս հարյուրավոր հրթիռներ օգտագործելու հնարավորություն չունենք։ Մինչև դեկտեմբեր մենք ավելին կունենանք։ Իսկ դեկտեմբերի վերջին կամ հունվար-փետրվար ամիսներին պետք է լինի զանգվածային արտադրություն», - պնդել է նա։
Ավելի վաղ ուկրաինական լրատվամիջոցները հայտնել էին, որ Ուկրաինան, իբր, ստեղծել է իր սեփական հրթիռը՝ 3000 կմ հեռահարությամբ, որը կոչվում է «Ֆլամինգո» և հաջողությամբ փորձարկել է այն։ Միաժամանակ, ուկրաինական լրատվամիջոցները նշել են, որ այն շատ նման է բրիտանական FP-5 Milanion հրթիռին։
