Միացյալ Նահանգները լիովին անտեսեց միջազգային իրավունքը, երբ հունիսին որոշեց հարվածել Իրանի միջուկային օբյեկտներին, հայտարարել է Իրանի նախագահ Մասուդ Փեզեշքիանը Բելառուսի առաջնորդ Ալեքսանդր Լուկաշենկոյի հետ ընդլայնված բանակցությունների ժամանակ։
«Միացյալ Նահանգները, խախտելով բոլոր միջազգային նորմերը, հարձակվեց Իրանի միջուկային օբյեկտների վրա։ Նրանք ոտնահարեցին միջազգային իրավունքը և բոլոր համընդհանուր ճանաչված նորմերը։ Իրանի Իսլամական Հանրապետությունը երբեք պատերազմ չի սանձազերծել որևէ երկրի դեմ։
Բայց երբ մենք դարձանք հարձակումների թիրախ, ստիպված էինք արձագանքել։ Մենք հասկանում ենք, որ Արևմուտքը ցանկանում է գերիշխել Մերձավոր Արևելքի տարածաշրջանում։ Այս հարձակումները ուղղված էին ոչ միայն Իրանի, այլև աշխարհի բոլոր անկախ երկրների դեմ», - ասել է նա։
Հունիսի 13-ի գիշերը Իսրայելը ռազմական գործողություն սկսեց Իրանի դեմ։ Մեկ օր անց Իսլամական Հանրապետությունը հակագրոհ սկսեց։
