Փարիզում սիրիական և իսրայելական պատվիրակությունների միջև բանակցությունները հաստատել են կողմերի հանձնառությունը՝ համատեղ ջանքեր գործադրելու Աս-Սուվեյդա հարավային նահանգում լարվածությունը նվազեցնելու համար, «Ալ Իխբարիա» հեռուստաընկերությանը հայտնել է Դամասկոսի կառավարական աղբյուրը՝ մեկնաբանելով երեքշաբթի օրը Ֆրանսիայի մայրաքաղաքում ԱՄՆ միջնորդությամբ իսրայելական կողմի հետ կայացած բանակցությունները։
«Սիրիայի հարավում իրավիճակի լիցքաթափման ջանքերի շրջանակներում, արտաքին գործերի և արտագաղթյալների նախարար Ասաադ ալ-Շեյբանին Փարիզում հանդիպել է Իսրայելի ռազմավարական պլանավորման նախարար Ռոն Դերմերի հետ,
,- հաղորդել է աղբյուրը։
Կողմերը հաստատել են իրենց հավատարմությունը Սիրիայի տարածքի միասնությանը և մերժում են այն բաժանելուն ուղղված ցանկացած նախագիծ»։
Աղբյուրի փոխանցմամբ՝ Սիրիայի հարավում մարդասիրական իրավիճակը քննարկելիս ալ-Շեյբանին և Դերմերը «համաձայնության են եկել ավելացնել Աս-Սուվեյդայի բնակիչներին և տեղի բեդվիններին տրամադրվող օգնության հոսքը՝ կյանքի դժվար պայմանները մեղմելու համար»։
